• Facebook Basic Black

  Sahitya Setu, Pune.    Contact : 7066251262  

Dec 29, 2018

ब्लॉग लेखन कार्यशाळा

0 comments

 

 

मराठी साहित्याला तंत्रज्ञानाच्या सहाय्याने समृद्ध, सजस व अजरामर करण्यासाठी व लोकशाहीला बळकट करण्यासाठी युवा पिढीने नियमितपणे विविध सामाजिक-राजकीय विषयांवर परखडपणे व्यक्त होणे गरजेचे - जेष्ठ पत्रकार भाऊ तोरसेकर”*

साहित्यसेतू आणि महाराष्ट्र साहित्य परिषद, पुणे यांच्या संयुक्त विद्यमाने 25 नोव्हेंबर 2018 रोजी आयोजित करण्यात आलेल्या "ब्लॉगलेखन कसे करावे?" कार्यशाळेत पुण्यात नुकतीच " ब्लॉगलेखन कार्यशाळा" संपूर्ण महाराष्ट्रातून सर्व वयोगटातील लोकं सहभागी झाले होते.

जेष्ठ पत्रकार *भाऊ तोरसेकर* यांनी मार्गदर्शन करताना सांगितले की, ब्लॉग लिहिताना सुटसुटीत लिहिता येणं महत्त्वाचं, अलंकारिक नको. समोरचा माणूस वाचताना वेळ देत असतो ,म्हणून लिहिताना गंभीरपणा आवश्यक आहे. लिहिन्यात काही उदाहरणे, गोष्टी, दंतकथा यांचा उपयोग करावा. आपल्या ब्लॉगचं शीर्षक लक्षवेधी असावं.

 

साहित्य सेतूचे संस्थापक प्रा. क्षितीज पाटुकले आपल्या मार्गदर्शन सत्रात म्हणाले की, साधं सोप्पं लिहिण हे यशस्वी लेखकाचं वैशिष्ट्य आहे. आजचा काळ वाचक काळ आहे. ब्लॉग हे व्यक्त होण्याचे एक आधुनिक , प्रतिभेच्या प्रवाहाला गती देणारे माध्यम आहे. यामुळे आता प्रत्येकाला सृजनशील निर्मिती शक्य झाली आहे. इथे लेखक आणि वाचक यांचा तात्काळ संवाद शक्य आहे. सध्या व्यवहारिक साक्षरता करण गरजेचं आहे. कोणतीही व्यक्ती, जिच्यामध्ये द्वंद, अस्वस्थता असेल ती ब्लॉग लिहू शकते. काहीतरी वेगळे करण्याची इच्छा असेल तर आपण ब्लॉग लिहू शकता. ब्लॉग लेखनातून आपण पुस्तकं, किंडल कॉपी ऑनलाईन जाहिराती

स्वतःच्या उत्पादनाची विक्री आदीद्वारे अर्थार्जन देखील करू शकतो. तुम्हाला लिहिण्याचा छंद आणि ज्ञान असेल तर तुम्ही नक्की प्रयत्न करावा. कारण आपण सगळ्यांना संधी देतो, पण स्वतःला देत नाही, स्वतःची क्षमता ओळखत नाही. मराठी ब्लॉगलेखन म्हणजे स्वतः चुका करण्याचं आणि त्या दुरुस्त करण्याचंही हक्काचं व्यासपीठ आहे.

 

InMarathi डॉटकॉमचे संस्थापक *ओंकार दाभाडकर* यांनी सांगितले की,

सध्या सार्वत्रिक ओरड आहे वाचन कमी होतय, पण तसं नाहीये.वाचनाची पद्धत बदलत चाललीये. वर्तमानपत्र, टीव्ही याऐवजी लोक सोशल मिडिया कडे वळाली आहेत आणि हे प्रमाण अजून वाढणार आहे हे निश्चित. तुम्ही ब्लॉग लिहिताना त्यांचा फॉरमॅट ठरवा कि कोणत्या स्वरूपाची माहिती त्यामध्ये असेल, त्याची नियमितता म्हणजे आठवड्यात किंवा दिवसाला किती वेळा ब्लॉग पोस्ट करणार ,ब्लॉगचं मार्केटिंग सोशल मिडिया, इमेल वरून करू शकता. ब्लॉग जरी मराठी असला तरी त्यातील लेखाचं नाव टाईप करताना इंग्रजी मध्ये आठवणीने करावं म्हणजे तो युजर्स कडून लवकर शोधला जाऊ शकतो. इंग्रजी साहित्य, चित्रपट याची माहिती आपण मराठी ब्लॉगवर लिहू शकता. तिकडचे लोकप्रिय चित्रपट, अभिनेते याबद्दल लिहू शकता.

 

ब्लॉग लेखक *व्यंकटेश कल्याणकर* आपले अनुभव सांगताना म्हणाले की,ब्लॉग लिहिण्यापूर्वी ब्लॉगचा उद्देश ठरविणे. प्रकार ठरविणे. तांत्रिक कौशल्ये आत्मसात करणे, ब्लॉग सतत अपडेट ठेवण्याची तयारी, ब्लॉगची जाहिरात करण्याची तयारी आदी बाबी अत्यंत महत्त्वाच्या आहेत.

तांत्रिक गोष्टींमध्ये ऑडीओ, आणि विडीओ संकलन शिकणे गरजेचं आहे. ब्लॉग अपडेट ठेवण्यासाठी सातत्याने लेखन आणि लेखनामध्ये बहुमाध्यमांचा वापर करावा.

ब्लॉगर म्हणून व्यावसायिकरित्या करिअर करण्याकरिता ब्लॉगलेखन कार्यशाळा ही अत्यंत उपयुक्त ठरली असे मत सहभागी व्यक्तींनी व्यक्त केले.

प्रा. अनिकेत पाटील यांनी कार्यक्रमाचे सूत्रसंचालन केले.

🖋 शब्दांकन: *जया जुन्नरकर (पुणे)*, ब्लॉगलेखन कार्यशाळा सहभागी व्यक्ती.

 

 

New Posts
  • Nandkishor Lele
    May 9
  • आज दोन दिवस झाले मी अजूनही माझ्या घरी गेलो नाही.माझ्या घरी सुद्धा पाहुणा आलाय पण,काय करणार तुमच्यासाठी, या समाजासाठी थांबाव लागत..काल घरी आलेला हा माझा पाहुणा आज आपल्या गावी परत जातोय.खंत एकाच गोष्टीची आहे की अजूनही त्या पाहुण्याला मला नीट भेटताही आलं नाही... होय मीच बोलतोय......महाराष्ट्र पोलीस.. गेली कित्येक वर्षे माझ्या घरी बाप्पा येतो.तोही फक्त दीड दिवसांसाठी पण या माझ्या बाप्पाच्या सेवेसाठी मला वेळच भेटत नाही. आता काही लोक म्हणतील वेळ काढावा लागतो म तो भेटतो..पण कस आहे...जेव्हा या सेवेत रुजू झालो ना तेव्हाच एक शप्पथ घेतली आहे की,."सद्रक्षणाय खलनिग्रहणाय"..समाजासाठी, वेळप्रसंगी घरादाराला सोडून तुमच्यासाठी,तर कधी उपाशी पोटी मला माझं कर्तव्य करावं लागतं.. तुमच्या सारखं मला ही वाटत माझ्या लाडक्या बाप्पाला वाजतगाजत घरी आणावं, त्याची आरती करावी, स्वतःच्या हाताने त्याला मोदकांचा नैवैद्य दाखवावा, तितक्याच भक्तिमय वातावरणात त्याला निरोप द्यावा, पण हे असं काहीच घडणार नाही हे मला ही माहित आहे. पण,मी हाती घेतलेले हे व्रत माझं भाग्य समजतो आणि माझ्या लाडक्या बाप्पाचा आशिर्वादीरुपी प्रसाद...तुमच्या आमच्या सारखाच मी एक सर्वसामान्य माणूस आहे... मला ही घर आहे, संसार आहे, लेकरंबाळं आहेत पण या सर्व गोष्टींचा मी कधीच विचार केला नाही कधी करणार ही नाही.. कारण, मी स्वतःला या समाजासाठी झोकून दिल आहे. ही व्यथा फक्त माझ्याच बाबतीत नाही तर अशा एक ना अनेक माझ्या सारख्या "महाराष्ट्र पोलिसांची" आहे.खरं तर आम्ही सर्वच तुमच्यात कुठेतरी आम्हलाच शोधत असतो..या समाजाचे आम्हीच पोलीस नाही आहोत तर तुम्ही सुद्धा आहात...महाराष्ट्र पोलीस तो आहे जो प्रत्येकजण एक जबाबदार आणि कर्तव्यदक्ष नागरिक आहे. महाराष्ट्र पोलीस सदैव तुमच्या सोबतच आहे फक्त गरज आहे ती तुमच्या साथीची कारण, टाळी हि नेहमीच दोन हाताने वाजते..वेळप्रसंगी याच टाळ्यांनी कौतुक होते तर कधी याच टाळीची मूठ बनून अन्याया विरुद्ध आवाज उठवते..आम्ही जागरूक आहोतच गरज आहे ती प्रत्येकाने आपल्या आजूबाजुला घडणाऱ्या बारीकबारीक गोष्टींकडे लक्ष्य ठेवायची.. कारण, तुम्ही जागरूक असला तर आम्ही निर्धास्त श्वास घेऊ शकतो..असो, सरतेशवटी तुमच्या संरक्षणासाठी या समाजासाठी आमचं हे शरीर झिजवणं हेच आमच ध्येय आहे...गणरायाच्या आगमनान सर्व वातावरण गणेशमय झालं आहे एक वेगळा उत्साह आणि आनंदमय रुपी उधाण निर्माण झालं आहे..आपला लाडका बाप्पा अजून काही दिवस आपल्या सोबत आहे..महाराष्ट्र पोलिसांच्या वतीने मी बाप्पा जवळ एकच मागणं मागेन सर्वाना सुखी आणि आरोग्यदायी ठेव संकटांवर मात करण्यासाठी बळ दे.. आपल्या घरादाराला सोडून तुमच्या आमच्यासाठी, घरा बाहेर पडला पोलीस मामा उपाशीपोटी, अन्याया विरुद्ध लढण्यासाठी हाता मध्ये काठी, उन्हातान्हा मध्ये खाकीवाला उभा देवाच्या रुपामधी, कोणी निंदा तर कोणी वंदा पण, वेळेला हाच येईल खाकीवाला बंदा...
  • सर्वसामान्य वाचकांनी वाढविला डॉ. अरूणा ढेरे यांचा सन्मान... माध्यम पुरस्कृत साहित्यिकांना जोरदार चपराक यवतमाळ ९२ व्या अ.भा.म. साहित्य संमेलनाला उदंड प्रतिसाद... यवतमाळ येथे ११ ते १३ जानेवारी २०१९ रोजी भरलेले साहित्य संमेलन प्रचंड यशस्वी झाले. उद्घाटक वैशाली येडे यांच्या धडाकेबाज भाषणाने संमेलनाची दमदार सुरवात झाली. साहित्य विश्वातील अघोषित आणीबाणीला न जुमानता सर्वसामान्य रसिक वाचकांनी संमेलनाला अलोट गर्दी केली. महामंडळ आणि आयोजकांमधील कलगीतुरा, डॉ. श्रीपाद भालचंद्र जोशी यांचा राजीनामा आणि तथाकथित मान्यवर माध्यमपुरस्कृत साहित्यिकांच्या असहिष्णू बहिष्काराने संमेलनादरम्यान अभूतपूर्व गोंधळात संमेलन होते की नाही असे वातावरण तयार झाले होते. मात्र मराठी भाषेवर मनापासून प्रेम करणाऱ्या संपूर्ण राज्यातीलच नव्हे तर देशाच्या विविध भागातून यवतमाळ येथे पोहोचलेल्या हजारो प्रतिनिधींनी संमेलनामध्ये उत्साहाने भाग घेतला. संमेलनातील बहुतेक सर्व कार्यक्रमांना वाचक आणि श्रोत्यांनी भरभरून दाद दिली. फक्त यवतमाळच नव्हे तर संपूर्ण विदर्भ, मराठवाडा परिघातील ग्रामीण वाचकांनी संमेलनाला गर्दी केली होती. ग्रंथप्रदर्शनामध्ये सुमारे दोन कोटींची झालेली विक्री हा संमेलन यशस्वीतेचा कळसाध्याय ठरला... संमेलनातील सर्वात विलक्षण गोष्ट म्हणजे यवतमाळ येथील रिक्षाचालक बांधवांनी संमेलनाला आलेल्या सर्व रसिकांची एस.टी. स्टॅंड ते संमेलनस्थळ अशी येण्याजाण्याची निःशुल्क व्यवस्था केली होती. रिक्षाचालक बांधवांचे हे औदार्य वाखाणण्याजोगे होते. त्याचबरोबर यवतमाळ कॉलेजमधील एक तृतीयश्रेणी कर्मचारी श्री. मनिष अट्रावलकर यांनी शाळा कॉलेजमधील विद्यार्थ्यांसाठी पदरमोड करून रू. २५,०००/- ची पुस्तके विकत घेतली आणि ग्रंथालयांना भेट दिली. खेड्यापाड्यातील हजारो विद्यार्थी आणि युवकांनी संमेलनाला भेट दिली. संमेलन म्हणजे काय ? त्याचे स्वरूप कसे असते ? त्यात कोणकोणते कार्यक्रम होतात ? ग्रंथ प्रदर्शन कसे भरते ? कवी कट्टा म्हणजे काय ? परिसंवादामध्ये कशा चर्चा झडतात ? हजारो युवक या सगळ्याची कुतुहलाने माहिती करून घेत होते. पुस्तकांच्या स्टॉलवर खूप गर्दी होती. ग्रामीण भागातील हे विद्यार्थी मोठ्या उत्सुकतेने पुस्तके पहात होते, ग्रंथावरून हात फिरवत होते. जणूकाही मांडलेली पुस्तके आणि ग्रंथ हे सुद्धा त्या स्पर्शाने मोहरून उठत होते, असे एकूण दृष्य होते. डॉ. अरूणाताई ढेरे यांच्या भाषणाने संमेलनाने एक अभूतपूर्व वैचारिक उंची गाठली. गेली काही वर्षे साहित्यबाह्य खटपटी आणि विविध भ्रष्ट मार्गांचा वापर करून संमेलनाचे अध्यक्ष झाल्याचा आरोप असलेल्या अध्यक्षांच्या पोचट भाषणांपेक्षा सर्वांगाने वेगळे, वर्तमानातील साहित्य विश्वातील समस्या आणि संधी यांचा उहापोह करणारे आणि पुढील काळाच्या मार्गक्रमणासाठी दिशादर्शन करणारे असे अत्यंत विलक्षण विचारमंथन अरूणाताईंनी केले. खरतर त्यांच्या या भाषणामध्ये दडलेल्या संचितावर महाराष्ट्रामध्ये विविध ठिकाणी चर्चासत्रांद्वारा मंथन होणे आवश्यक आहे. समारोपदरम्यान नितिन गडकरी यांनी केलेले मार्गदर्शनही खूप उद्बोधक होते. विविध परिसंवादामध्ये झालेल्या चर्चा विचार करायला लावणाऱ्या होत्या. विशेषतः डॉ. राणी बंग यांचा मुलाखतीचा कार्यक्रम फार अप्रतिम झाला. मराठीच्या नावाने गळा काढणाऱ्या, बोलघेवड्या, भोंदू आणि संकुचित मनोवृत्तीच्या बहिष्कारवादी साहित्यिक आणि माध्यमांच्या कंपूने लादलेल्या किळसवाण्या गदारोळाला कस्पटासमान लेखून सर्वसामान्य रसिक वाचकांनी हे संमेलन प्रचंड यशस्वी केले आणि एक नवीन आदर्श निर्माण केला. आपले वर्तन आणि कृती यातून त्यांनी डॉ. अरूणा ढेरे आणि मराठी भाषा, साहित्य संस्कृती यांचा गौरव वाढवला ही अत्यंत अभिमानाची बाब आहे असे नमूद करावेसे वाटते. प्रा. क्षितिज पाटुकले संस्थापक – साहित्यसेतू एक लाख लेखक आणि एक कोटी वाचक यांना जोडणारी अभिनव साहित्य चळवळ www.sahityasetu.org व्हॉटस अप - 7066251262 कृपया हा संदेश अधिकाधिक रसिक वाचकांपर्यत पोहोचवण्यास मदत करा... त्यासाठी हा संदेश सर्व ग्रुप्स वर शेअर करा